BIRBIZTE PROZESUAREN ERAGILEAK

*BIRBIZTE PLANA
Bilbao Metropolitarrak ez dauka zalantzarik Europa eta Mundu osoan izan behar duen egitekoaz. Bere historia osoan izan duen buruzagitzari eusteko, Bilbok badaki erakunde eta entrepresekin batera ihardun behar duela hiriaren geroa planifikatzeko orduan.

1992an Birbizteko Planaren diseinua amaitu ostean, Elkarteak biziberritzeko prozesua sustatzeko ekintzak egin zituen, lankidetza publiko eta pribatuaren bitartez.

90eko hamarkadan, Bilbao Metropolitarrarentzat eszenatoki hobea sortuz joan zen, globalizazioarekin, egitura sozial eta ekonomikoen eraldaketarekin, informazioaren eta komunikazioaren teknologiekin eta kultura ugariko gizartearen sorrerarekin. Erronka horiei modu egokian erantzuteko, 1999an, Elkartearen ahaleginak "Bilbao 2010. Hausnarketa Estrategikoa" proiektuan zentratu ziren. 1999ko azaroaren 25ean aurkeztu zen.

2001eko apirilaren 4an, Elkarteak "Bilbao 2010. Estrategia" izeneko plan estrategikoa aurkeztu zuen, hausnarketa estrategikoa, horren oinarriak eta funtsezko ezaugarriak bideratzeko, Bilbok aldaketa aprobetxatzea ahalbidetuko duten proiektuetara jotzeko eta metropolia Ezagutzaren Gizartean aintzat hartutako mundu mailako hiri gisa proiektatzeko.


*BILBAO METROPOLI-30 ELKARTEA
Bilbao Metropoli-30 Elkartea sortu zen planifikazio, ikerkuntza eta sustapen proiektuak aurrera eraman litezen, beti ere Bilbao Metropolitarra jasotzeko eta birbizteko asmoz. Bilbao Metropolitarrak ez du mugarri administratibo eta geografiko argirik eta beronen definizioa errealitate sozial eta ekonomikoak emana dator.
Bilbao Metropolitarraren Aldea birbiztearen aldeko prozesua suspertzeko helburuz, 1991. urtean Bilbao Metropolitarra Birbizteko Elkartea sortu zen, ahalegin publikoen eta pribatuen bategitearen ondorioz. Elkartea, susperpen eta ikerkuntzarako erakunde bat da, Eusko Jaurlaritzaren Elkarte Erregistroan 1991ko Abenduarean 18an jarria AS/B/03012/1991 zenbakiarekin. Bere helburu garrantzitsuenak hurrengoak dira:

 
  • Elkarteak, Bilbao Metropoltiarra Birbizteko Egitasmo Estrategikoen bultzapena darama.
  • Bilbao Metropolitarrak berton nahiz kanpoan ematen duen irudia hobetzearen aldeko lana egiten du.
  • Elkarteak, metropoli-aldeen birbiztearen arloan nazioarteko ereduak aztertzen ditu eta aldi berean Bilbao Metropolitarraren etorkizuna ikertu eta planifikatzeari buruzko iharduera ekinkorra eraman du aurrera.
  • Azkenik, elkarteak sektore publiko eta pribatuen arteko elkarlana suspertzen du, honela Bilbao Metropolitarraren geroarentzat lan eginez.

    •  
Elkarteari, beronek dituen helburu eta ihardueren kariaz, "Onura Publikoko Elkartea" delakoaren izaera aintzatetsi dio Eusko Jaurlaritzak, 1992ko ekainaren 9an, hain zuzen.
 
Bilbao Metropoli-30
Gran Via, 45.
E-48011		 Tel.: +34 944 158 685
Fax: +34 944 153 424
E-mail: info@bm30.es
 
*KIDEAK
Bazkide izan daitezke erakunde publiko zein pribatuak, baldin eta bere profesioa Bilbao Metropolitarrean badaramate. Elkartean Bazkide Sortzaile, Osoa edo Laguntzaileak daude.

 
*BAZKIDE SORTZAILEAK
*BAZKIDE OSOAK
*BAZKIDE LAGUNTZAILEAK
*BILBAO METROPOLITARRA